Në më pak se dy javë pritet të transmetohet sezoni i fundit i serialit “Game of Thrones” . Por mbrëmjen që lamë pas kasti i këtij seriali të njohur ka kaluar në tapetin e kuq në New York për premierën e serialit.
Gati të gjithë yjet që janë në sezonin e tetë, por gjithashtu edhe aktorët që kanë qenë pjesë ne sezonet e kaluara ishin në këtë festë. Mjaft elegantë aktorët janë takuar me njëri-tjetrin duke festuar përfundimin e këtij seriali i cili ka nisur sezonin e tij të parë në vitin 2011.
Në tapetin e kuq në New York, u vu re mungesa e aktores Lena Headey, e cila luan rolin e Cercei Lannister. Përmes një postimi në rrjete sociale, aktorja e cila është pjesë e kastit fillestar u shpreh e keqardhur dhe e mërzitur që nuk mund të festonte me kolegët e saj në New York për arsye shëndetësore. “Game of Thrones” nis transmetimin më 14 prill./Opinion.al/
