Para se të jepnin jetë, dy të rinjtë telefonuan familjarët e tyre në Itali, për t’i përshëndetur për herë të fundit, shkruan “The Sun”.
Gloria Trevisan dhe Marco Gottardi kaluan momentet e tyre të fundit duke u treguar prindërve sa shumë i donin. Gloria i telefonoi nënës duke i pëshpëritur: “Faleminderit për atë që ke bërë për mua”.
Marco përpiqej me guxim ta qetësonte, ndërkohë që të dashuruarit u ndanë përfundimisht nga familjarët e tyre të dëshpëruara, duke u thënë se mund të shihnin flakët që po afroheshin nga shkallët.
Dy arkitektët jetonin në katin e 23 dhe shpëtimi i tyre ishte pothuajse i pamundur, pasi zjarri shpërtheu në katin e katër për te përpirë më pas të gjithë kullën në Londër.
Të dashuruarit u zhvendosën nga Italia në Londër vetëm tre muaj më parë për të gjetur punë.
Gloria thirri familjen e saj në orën 3 të mëngjesit duke thënë se një zjarr i madh kishte shpërthyer në të gjithë kullën dhe se ajo dhe i fejuari i saj po prisnin ndihmë.
Por ajo nuk erdhi kurrë dhe kufomat e dy të rinjve u gjetën në krahët e njëri-tjetrit.
