Qyteti i Shkodrës është tronditur pasditen e së shtunës nga një ngjarje e rëndë. Mësohet se xhaxhai ka qëlluar disa herë me thikë nipin e tij, Mirsad Kuçi, 33 -vjeç i cili ka gjetur vdekjen. Ngjarja ka ndodhur pranë teatrit “Migjeni”.
Ai është Bujar Kuçi dhe mendohet se ka qenë në gjendje të dehur në momentin që ka qëlluar mbi nipin e tij.
Policia ka identifikuar dhe më pas arrestuar autorin e kësaj ngjarje të rëndë. Mësohet se konflikti ka nisur prej katër vitesh mes babait të viktimës dhe Bujar Kuçit për oborrin e banesës. Mirsad Kuçi ishte babai i dy fëmijëve të vegjël.
Autori thuhet se banonte në një banesë që ndante të njëjtin oborr me shtëpinë e nipit, 3 katëshe.
“Pse nuk më flet?”. Me këto fjalë i është drejtuar autori nipit kur e ka gjetur në oborr, pasi këta të fundit raportohet se kishin kohë që nuk flisnin.
Nipi është larguar duke mos folur por autori ka vijuar duke e fyer dhe me një thikë në dorë e ka qëlluar pas krahëve dhe më pas në gjoks, e kjo e fundit ka rezultuar goditje fatale për 33-vjeçarin. /Opinion.al
Ne foto vktima -Mirsad Kuçi
