Autoritetet suedeze kanë njoftuar arrestimin e një gruaje 70-vjeçare e dyshuar se kishte mbajtur të burgosur për 28 vite djalin e saj i cili u gjet brenda apartamentit të tyre në Stokholm në gjendje të rënde shëndetësore, plot plagë të infektuara, i kequshqyer, ndërsa kishte humbur thuajse të gjithë dhëmbët.
“Kjo nënë është e dyshuar për privimin e paligjshëm të lirisë duke shkaktuar dëmtime fizike”, ka thënë për AFP zëdhënësja e policisë Ola Sterling.
41-vjçari ishte kyçur prej një kohe shumë të gjatë në apartamentin në periferi të Stokholmit.
Sipas mediave suedeze, që citojnë anëtarë të familjes, burri është gjetur i shtrirë në dysheme sipër një batanijeje. Policia bëri me dije se ai është çuar në spital ku ka nevojë për ndërhyrje.
Sipa mediave lokale nëna e mbajti të mbyllur të birin që në moshën 12-vjeçare, kur ai la shkollën.
“Kishte urinë dhe papastrërti kudo. Binte erë myk. Dukej se nuk ishte pastruar prej vitesh”, ka treguar një prej të afërmve që e kishte gjetur 41-vjeçarin.
“Jam i shokuar, por njëkohësisht i kënaqur. E prisja këtë ditë prej 20 vitesh, sepse e kisha kuptuar që ai nuk mund ta kontrollonte jetën e tij, por nuk e kisha menduar në këtë gjendje”, ka thënë ai.
Policia po heton se si ka mundur gruaja ta mbajë të mbyllur të birin për kaq shumë vite./Opinion.al
