3 muaj pas arrestimit, Ilir Meta do të paraqitet sot në Prokurorinë e Posaçme për t’u pyetur nga prokurorët për dosjen “CEZ-DIA”, për të cilën dhe akuzohet.
Meta do të shkojë sot në SPAK rreth orës 10:00 i shoqëruar nga forcat e policisë.
Kujtojmë se ish-Presidenti është me masë sigurie arrest në burg që prej muajit tetor 2024 kur dhe u arrestua.
SPAK e akuzon Ilir Metën se ka ndërmarrë veprime korruptive për kontratën CEZ-DIA në kohën kur ka qenë ministër i Energjetikës gjatë qeverisjes Berisha 2.
Të hënën në SPAK u paraqit edhe ish-bashkëshortja e Metës, Monika Kryemadhi, nëna e kësaj të fundit, si dhe biznesmeni Gentian Sula, emri i të cilit figuron në dosjen hetimore në lidhje me këtë çështje.
