Ishte e qartë në mesazhin e saj! Monika Kryemadhi ka paralajmëruar kandidatët që deri tani kanë pranuar të marrin mandatin e deputetit.
Nga një takim me të rinjtë e kësaj force politike, Monika Kryemadhi tha: “Simbolet e LSI, janë simbole të paprekshmedhe të pa cënueshme. Mëkatet e njerëzve që janë në listat e LSI-së ne do t’i paguajmë. Tradhtarët të gjithë i përdorin, por tradhtinë asnjë nuk e do”.
Katër janë kandidatët nga lista e LSI-së që kanë pranuar që të ulen në Kuvend në karriget e lëna bosh nga kolegët e tyre pas djegies se mandateve të opozitës.
KQZ njoftoi se ditën e hënë katër kandidatët, Ylli Shehu, Aurora Mara, Enver Roshi dhe Edmond Rrushi do të marrin mandatin e deputetit. Listës së LSI-së mund t’i shtohet edhe Ralf Gjoni, i 11-i në listën e Tiranës. Ai nuk ka pranuar të firmosë heqjen dorë nga mandati, sipas kërkesës së LSI dhe ka deklaruar pas një takimi me eurodeputetin Knut Fleckenstein se do të vendosë për mandatin, pasi të thirret nga Komisioni Qendror i Zgjedhjeve dhe pas disa konsultimeve. Ndërsa Lefter Koka, i pari i listës së Durrësit nuk e dorëzoi mandatin./ Opinion.al
