Policia ka vënë në pranga një 28 vjeçar në Borsh pasi iu gjendën sasi të konsiderueshme lëndësh narkotike. E.Gj, 28 vjeç nga qyteti i Librazhdit punonte roje në një lokal në Borsh. Gjatë kontrollit rutinë, ushtruar në një lokal në fshatin Borsh, u gjet një çantë sportive ku brenda së cilës u gjetën 2 pako me material bimor të dyshuar si kanabis.
Pas peshimit, lënda narkotike ka rezultuar me peshë prej 1 kg e 400 gr, e dyshuar si Cannabis Sattiva, e cila u sekuestrua në cilësinë e provës materiale. Materialet iu referuan Prokurorisë për veprën penale “Prodhimi dhe shitja e narkotikëve”.
