Policia e Tiranës ka arrestuar një 56-vjeçar, punonjës në në një firmë për shpërndarjen e pijeve alkoolike.
Policia thotë se i arrestuari është Refik Sokoli, banues në Tiranë. Ai ka qenë duke sistemuar disa paleta me një mjet pirun dhe ka aksidentuar për vdekje një 54-vjeçare, punonjëse në firmë.
Policia e Tiranës informon se gjatë sistemimit të disa paletave me një mjet pune pirun, janë rrëzuar dy paleta të cilat kanë zënë poshtë shtetasen K. B., 54 vjeçe. Si pasojë e dëmtimeve të marra 54-vjeçarja ka ndërruar jetë më pas në spital.
