Ushtria e Shteteve të Bashkuara ka filluar spervitjen e përbashkët me ushtrinë e Koresë së Jugut.
Këto ushtrime, Koreja Veriore i ka vlerësuar si “krejtësisht provokuese, që mund të çojnë në konflikt atomik në çdo moment”.
“Vigilant Ace” do të vazhdojnë deri më 8 Dhjetor dhe marrin pjesë 12 mijë ushtarë të marinës amerikane dhe personel tjetër. Zyrtarë të ushtrisë amerikane thanë se avionëve F22 i janë bashkuar edhe ata F35, që të gjithë të pakapshëm nga radari dhe që shënojnë majën e teknologjisë ajrore luftarake amerikane. Besohet se janë 230 avionë, por numri i saktë nuk dihet për arsye logjike. Sipas ekspertëve ky është përqëndrimi më i madh i avionëve të përparuar të brezit të pestë në histori në Korenë e Jugut.
Sakaq, senatori republikan Lindsey Graham i kërkoi Pentagonit që të largojë familjet e personelit ushatarak amerikan nga Koreja e Jugut.
Sipas Graham, nuk ka kuptim që atje të qëndrojnë fëmijë amerikanë, apo të dërgohen të tjerë për të qëndruar pranë prindërve të tyre në shërbim, duke qenë se, sipas gjasave, lufta është në prag. Analistët thonë se diplomacia pas kuintave po bën gjithçka që mundet për të shmangur përballjen ushatarake, megjithëse pranojnë se tensioni mes dy vendeve nuk mbahet mend të ketë qenë kaq i lartë prej kohësh.
