Kryetari i grupit parlamentar të PS-së, Bledi Çuçi po prezanton sot në Kuvend propozimin për projekt rezolutën kundër korrupsionit.
Ai u shpreh nga foltorja e Kuvendit se se me reformën në drejtësi kanë rrëzuar monumentin e kulturës së pandëshkueshmërisë.
“Reforma që mazhoranca konceptoi dhe udhëhoqi, është akti historik më i guximshëm në të bërin Shqipërinë një shtet modern të respektuar botërisht.
Asnjë forcë tjetër nuk i ka hyrë detit në këmbë për të pavarësuar drejtësinë nga pushteti politik. Ndryshe Shqipëria sot nuk do shihte rrëzimin e monumentit të shëmtuar të pandëshkueshmërisë.
I kemi hapur rrugë krijimit të një gjykate e prokurorie të posaçme.
Gjithçka e kemi bërë për të fuqizuar shtetin shqiptar.
Askush nuk mund të mohojë se drejtësia vepron mbi dhe e pavarur nga politika.
Kemi bërë shumë e kemi arritur jo pak, këtë e ka thotë edhe BE në çeljen për negociatat.
95 përqind e shërbimeve kryhen nga telefoni, ka rënë korrupsioni“, u shpreh Çuçi.
