U shpreh disa ditë më parë se dëshironte të ishte Papë, Presidenti Donald Trump ka shkaktuar jo pak polemika me këtë postim.
Gjithë zhurma mediatike u shkaktua nga kjo foto e krijuar me inteligjencë ariftificiale ku Trump shihet i veshur si Kreu i Kishës Katolike.
Kështu, Konferenca Katolike e Shtetit të Nju Jorkut e akuzoi Trump se po tallte besimin.
Ish-Kryeministri italian, Matteo Renzi, gjithashtu kritikoi ashpër postimin e Trump.
“Ky është një imazh që ofendon besimtarët, fyen institucionet dhe tregon se udhëheqësi i botës kënaqet duke bërë kllounin. Ndërkohë, ekonomia amerikane rrezikon recesionin dhe Dollari humbet vlerën”, shkroi Renzi në një postim në rrjetet sociale në gjuhën italiane.
Por Shtëpia e Bardhë hodhi poshtë pretendimet se Presidenti republikan po tallte papatin.
Trump nuk është Presidenti i parë që akuzohet për tallje të besimit katolik. Ish-Presidenti amerikan Joe Biden shkaktoi zemërim një vit më parë kur bëri shenjën e kryqit në një tubim pro-abortit në Tampa të Floridës.
