Anësori i Uellsit, Gareth Bale, thotë se dueli me Portugalinë në gjysmëfinale të ‘Euro 2016’ nuk është duel kundër bashkëlojtarit te Real Madridi, Cristiano Ronaldo.
Ish-anëtari i Tottenhamit thotë se kjo gjysmëfinale nuk është përballje mes vetëm dy lojtarëve.
“Nuk është për dy lojtarë, por për dy kombëtare në gjysmëfinale, 11 kundër 11. Të gjithë e dinë këtë realitet”.
“Ronaldo është futbollist fantastik, të gjithë e dimë se çfarë mund të bëjë ai. Por, kemi folur gjithmonë për atë se çfarë ne bëjmë, atë që ne bëjmë si ekip, nuk merakosemi për kundërshtarin”, ka thënë Bale.
Të dy kombëtaret takohen të mërkurën në mbrëmje për të caktuar finalistin e parë që në finalen e madhe do të luajë ndaj Francës apo Gjermanisë.
