Dikur një bazë ushtarake e ish-Jugosllavisë, Portonovi është sot një nga destinacionet më trend dhe më luksoze në të gjithë rajonin.
I vendosur në gjirin e Herceg Novi, resorti turistik vjen me një kombinim të vilave dhe apartamenteve, ndërkohë që pjesë e tij është gjithashtu hoteli i njohur “One&Only Portonovi”.
Një destinacion, jo vetëm për stinën e verës Portonovi është në fakt një pikë referimi për turistët edhe për festat e fundvitit. Me tregun e Krishtlindjeve, shtëpizat e vogla të festave, me pemën më të madhe në të gjithë Malin e Zi dhe një dekor tepër elegant që mbulon të gjithë resortin, Portonovi ofron mundësi të pafundme argëtimi dhe festimesh.
Çdo natë në sheshin kryesor mbahen koncerte të rrymave të ndryshme, ndërkohë që në baret dhe restorantet e shumta gjen jo vetëm atmosferë, por edhe ushqim cilësor.
Me një numër të madh parqesh dhe ambientes rekreacioni, me animatorët që bëhen pjesë e festës, ky resort ka hapësira të shumta argëtimi për fëmijët, ndërkohë që ka gjithashtu dyqane, farmaci apo shërbime bankare përgjatë gjithë vitit.
Për të apasionuarit pas detit ekzistojnë mundësitë e shëtitjeve rreth gjirit me mjete lundruese dhe klientët që rezervojnë në këto ditë pushimesh, mund të zgjedhin hotelin, një vilë apo një apartament. Ata gjithashtu mund të blejnë paketat për të përdorur shërbimet SPA në “One&Only Portonovi”.
Me peizazhin mbi Adriatik dhe malet përreth, Portonovi është gjithashtu një mundësi relaksi e pushimi edhe në dimër.
