Mbrëmjen e djeshme portieri i skuadrës së Partizanit, 24-vjeçari Aldo Teqja është hedhur nga kati i 6-të i pallatit ku jetonte.
Ai është transpotuar menjëherë për në spitalin e traumës, ku fatmirësisht është bërë e ditur se ndodhet jashtë rrezikut për jetën. Pas kësaj ngjarje të rëndë ka reaguar edhe Federata Shqiptare e Futbollit, ku ka theksuar se po monitoron me shumë kujdes situatën e futbollistit.
“Federata Shqiptare e Futbollit dëshiron të njoftojë opinionin publik se po monitoron me shumë kujdes situatën e portierit Aldo Teqja, i cili ka pësuar mbrëmjen e sotme një aksident.
Pas komunikimit me mjekët, familjarët dhe drejtuesit e Klubit Partizanit, duhet t’ju bëjmë më dije se gjëndja ish-portierit të përfaqësueses U-21 është jashtë rrezikut për jetën dhe në monitorim të vazhdueshdueshëm nga mjekët.
Jemi pranë familjes në këtë moment të vështirë dhe dëshirojmë të shprehim gatishmërinë tonë si institucion për të ndihmuar rikuperimin e shpejtë të Aldos.
Forca Aldo
Forca kampion,”-përfundon reagimi i FSHF-së./Opinion.al/
