Një futbollist 25-vjeçar në Belgjikë dha frymën e fundit në fushë. Arne Espel u thirr në kategorinë amatore për të pritur një penallti në minutën e 60-të, gjë që e bëri shumë mirë. Megjithatë, pak sekonda pas kapjes së topit, i riu fatkeq u rrëzua para syve të sportistëve dhe publikut.
Mjeku i ndeshjes mes Ëinkel Sport dhe Vestrosbek vrapoi në fushë dhe duke përdorur një defibrilator tentoi ta rikthente në jetë portierin e ri, por nuk ia doli.
Skuadra e tij i ka dhënë lamtumirën futbollistit të ri fatkeq, duke shkruar në Facebook:
“Ëinkel Sport mban zi për vdekjen e papritur të portierit të tyre, Arne Espel. Ngushëllimet tona për familjen dhe miqtë e tij për këtë humbje të madhe. Futbolli është dytësor”.
“Kjo është një tragjedi dhe një tronditje për ne. Arne ishte në klub gjatë gjithë jetës së tij dhe ishte shumë i dashur”, tha Patrick Rothsart, president i Ëinkel Sport./Opinion.al
