Këngëtarja Rovena Dilo ka qenë në qendër të mediave për konfliktin që ka ndodhur me lokalin e saj. E përfshirë në konfliktin për lokalin e këngëtares Rovena Dilo, ka qenë edhe këngëtarja Rozana Radi, e cila është bërë pjesë krejt rastësisht.
Në një postim të bërë në Instagram, Radi tregon sesi artikulli që në fakt ishte shkruar për
Dilon, shfaq në foto Rozanën. “Imagjino ça gazetarësh kemi. Pasi mora vesh që titulli i
personalizuar i Aurela Gaçes është bërë titull i një kënge tjetër gjë që s’duhet të ndodhë.
Prandaj duhet një ligj të na mbrojë të drejtat ne artistëve, zgjohem sot dhe shoh që gazetat kanë marrë shkrimin e Rovena Dilos dhe thonë: -E nxorrëm një herë me Rovenën tani pse mos ta nxjerrim të njëjtin shkrim me Rozanën.
Pastaj nesër e marrin këtë shkrim i fusin një emër tjetër dhe ja ku e nxorrëm rrogën e muajit. Mjerë kush ju paguan ju e mjerë ata që ju lexojnë.” Reagim ka ardhur dhe nga ana e Rovenës, e cila ka komentuar poshtë fotografisë me nota humori: “Ose foto e ka fajin…mos ke dalë tek lokali im?”
