Është gjetur makina që kishte rënë mëngjesin e sotshëm në liqenin e Shkopetit nga polombarët e RENEA-s.
Sipas policisë, brenda saj nuk kishte pasur njeri. Makina ishte zhytur në baltë. Gjithashtu, polombarët kanë gjetur edhe një makinë tjetër rënë dy vjet më parë në të njëjtin vend.
Policia ka bërë me dije se në vijim të informacionit ku dyshohet se ka rënë një automjet në liqenin e Shkopetit, është identifikuar targa që ka përdorur automjeti që dyshohet se ka rënë në liqen.
Targa është AA 969 ND, që i përket automjetit tip benz në pronësi të shtetasit M.P nga Karbunara, Lushnje.
Mësohet se targat janë denoncuar të vjedhura në janar të 2016 nga ky shtetas në Komisariatin e Policisë të rrethit Lushnje.
Bëhet me dije, se nuk është vjedhur automjeti, por vetëm targat. Polumbarët e RENEA-s, kanë mbërritur në vendngjarje.
Policia u vu në dijeni nga një peshkatar, i cili menjëherë njoftoi Komisariatin Burrel.
Pas kësaj, u njoftuan polumbarët nga Tirana. Deri në këto çaste, nuk ka njoftim për viktima.
Ndërsa makina e dytë, nuk ka të dhëna se kujti i përket dhe për më tepër të bëhet lidhja se për çfarë arsye ka përfunduar në liqen.
