Ish-eurodeputetja gjermane, Doris Pack ka qenë tepër kritike me qeverinë në lidhje me prishjen e Teatrit Kombëtar. Gjatë një aktiviteti “Qytetarët dhe zëri i tyre në mbrojtje të trashëgimisë”, i zhvilluar nga Aleanca për Mbrojtjen e Teatrit, politikania gjermane tha se si pushteti qendror dhe ai lokal duhet ta rishqyrtojë projektin.
“Këto kohë kur vjen në Tiranë shikon vetëm ndërtesa të larta, që nuk tregojnë asgjë nga shpirti i Shqipërisë. Unë mendoj se kryetari i Bashkisë dhe këshilli bashkiak duhet ta rikonsiderojnë çështjen e Teatrit. Le ta themi kështu mes nesh, shëtitorja që gjendet pas Teatrit është financuar nga BE, pra janë paratë tona”, theksoi Doris Pack.
Si një artist, Pack tha se kryeministri Edi Rama duhet të jetë më i hapur në lidhje me këtë temë. Po ashtu ajo mbështeti protestën për Teatrin, ndërsa një mesazh e kishte dhe për ambasadorët huaj në Tiranë.
“Mbështes protestën tuaj të vazhdueshme për këtë kauzë, për ta ruajtur këtë trashëgimi kulturore. Nuk e kam kuptuar pse kryeministri dëshiron t’ja heqë teatrin qytetarëve dhe nuk kanë marrë një vendim të konsultuar. Ambasadorët? Ata duhet të jepnin përgjigje se çfarë do të bënin për të njëjtën çështje në vendet e tyre”. / Opinion.al
