Kemi dëgjuar shpesh qytetarë të ankohen për pushimet në Shqipëri, për çmimet e shtrenjta, mungesën e pastërtisë dhe shërbime jo cilësore. Por krejt ndryshe mendon Behxhet Pacoli, politikan dhe biznesmen i njohur shqiptar nga Kosova.
Ja çfarë shkruan ai për bregdetin dhe qeverinë shqiptare, shoqëruar me këto foto në jahtin e tij privat.
Pacolli: Nuk është as Hong Kongu e as Monte Carlo, por është Orikumi në Shqipëri. Të dashur miq. Këtë verë jam duke i kaluar pushimet në bregdetin shqiptar. Çdo gjë është perfekt nga autoritetet portuale si në Shëngjin, Durrës, Vlorë, Sarandë e Orikum. Është kënaqësi të lëvizësh lirshëm kudo. Ambienti i mahnitshëm në ishullin e Sazanit. Shpresoj që autoritetet shqiptare kësaj radhe do ta ruajnë këtë ishull që padyshim është edhe margaritari i Adriatikut dhe Jonit. Unë dhe familja ime jemi shumë të lumtur që kësaj radhe po kalojmë pushimet në Shqipëri.
