Kryeministri Edi Rama, përmes një postimi në rrjetin social “Facebook”, ka ndarë pamje nga Poligoni i parë i Testimit Praktik për Lejedrejtimi në Fushë Prezë, ku kanë nisur testimet praktike.
Rama shkruan se në këtë Poligon mbi 30 mijë kandidatë në vit të autoshkollave do të kryejnë manovrat e veçanta të testimit praktik për kategoritë AM, A1, A2, A, B në pistën e re të testimit pranë kësaj qendre të re.
“MIRËMËNGJES,
dhe nga Poligoni i parë i Testimit Praktik për Leje Drejtimi në Fushë Prezë, ku kanë nisur testimet praktike, e ku mbi 30 mijë kandidatë në vit të autoshkollave do të kryejnë manovrat e veçanta të testimit praktik për kategoritë AM, A1, A2, A, B, në pistën e re të testimit pranë kësaj qendre të re, ju uroj një ditë të mbarë”-shkruan Rama.
