Ambasadorja e Shteteve të Bashkuara të Amerikës në Tiranë, Yuri Kim ka ndarë një mesazh të ambasadorit Ryerson me rastin e 30-vjetorit të rivendosjes së marrëdhënieve mes SHBA dhe Shqipërisë.
Ajo sjellë në kujtesë momentin prekës kur një polici shqiptar që i rrodhi loti teksa dëgjonte fjalët e Sekretarit Baker, kur ky i fundit tha “Ne jemi me ju dhe ju jeni me ne”.
“Ndërsa po i afrohemi fundit të vitit 2021, i cili shënon 30 vjetorin e rivendosjes së marrëdhënieve midis Shteteve të Bashkuara dhe Shqipërisë, doja të ndaja këtë mesazh të Ambasadorit Ryerson, sidomos duke filluar nga minuta 2:09: “Një nga momentet më domethënëse ndodhi gjatë vizitës së Baker-it. Ndërsa Sekretari po fliste, unë po qëndroja pranë makinave të autokolonës, pranë një polici shtatlartë e të vrazhdë. Ndërsa Baker tha “Ne jemi me ju dhe ju jeni me ne”, pashë një lot të rridhte në faqen e atij polici”. Ky moment tregues i rrëfyer nga Ambasadori Ryerson është po aq i fuqishëm, i rëndësishëm dhe i vërtetë sot sa ishte 30 vjet më parë. Le të mos harrojmë. Shtetet e Bashkuara dhe Shqipëria gjithnjë e mbajnë njëra-tjetrën afër”. Ambasadorja Yuri Kim”-shkruhet në postimin e bërë nga ambasada e SHBA në Tiranë./Opinion.al
