Policia e Veronës, kanë arrestuar një shtetas shqiptar, të cili i gjetën gjatë kontrollit rutinë në makinë një sasi prej 1 kg kokainë.
Mësohet se droga ishte paketuar në mënyrë të tillë sa të gjithë do mendonin se nuk do zbulohej. Por në fakt shqiptari ra në prangat e policisë e cila gjeti brenda një torte, të paketuar plot 1 kg kokainë.
Torta-drogë ishte vendosur në sediljet e pasme të makinës, raporton panorama.
Lënda narkotike u sekuestrua së bashku me makinën dhe shqiptari, emri i të cilit nuk bëhet me dije, u dërgua pas hekurave.
Vlera e përafërt e drogës së konfiskuar, sipas “çmimit të tregut”, llogaritet ti sillte fitim shqiptarit rreth 100,000 euro.
