Policia ka dhënë më shumë detaje rreth ngjarjes së ndodhur sonte në mbrëmje në Tiranë, ku pas një atentati kanë mbetur të plagosur 4 persona.
Në një njoftim paraprak për ngjarjen zbardhet identiteti i të plagosurve dhe thuhet se ata janë në spital jashtë rrezikut për jetën.
Sipas policisë, ngjarja ndodhi pas një konflikti në një lokal.
Njoftimi.
Rreth orës 18:40, kemi marrë njoftim se në rrugën “Gjergj Legisi”, janë plagos me armë zjarri disa persona.
Në vendngjarje kanë mbërritur shërbimet e policisë dhe ambulanca, ku nga verifikimi paraprak ka rezultuar se:
Në rrugën “Gjergji Legisi”, pas një konflikti në një lokal, janë plagosur me armë zjarri shtetasit E. L., 31 vjeç, B. M., 31 vjeç, B. K., 33 vjeç, dhe A. B., 46 vjeç.
Katër shtetasit e plagosur ndodhen në spital, jshtë rrezikut për jetën.
Janë identifikuar autorët dhe po punohet për kapjen e tyre.
