Pjesa më e madhe e 36 viktimave të shkaktuara nga sulmi terrorist në aeroportin e Stambollit mbrëmjen e së martës ishin shtetas turq, por me tyre kishte edhe të huaj.
Lajmin e konfirmuan autoritetet turke, të cilat paralajmëruan gjithashtu se bilanci pritet të jetë më i rëndë dhe numri i viktimave rrezikon të shkojë në 50.
Të paktën 3 terroristë të armatosur me kallashnikovë hapën zjarr dhe u vetëhodhën në erë rreth orës 22:00 të së martës në pikat e kontrollit të sigurisë të aeroportit “Ataturk”, duke lënë të paktën 36 vdekur dhe 147 të plagosur.
Ankaraja tha se dyshon se sulmi është kryer nga terroristët e ISIS-it, por asnjë grup nuk e ka marrë ende autorësinë e tij.
