Dy persona janë arrestuar nga policia e Tiranës, pasi u janë sekuestruar 7.9 kilogramë lëndë e dyshuar narkotike cannabis sativa. Sipas policisë, në pranga kanë rënë vëllezërit Saimir Aruci 39 vjeç dhe Oltjan Aruci 25 vjeç.
Gjatë operacionit është ushtruar kontroll në banesat e shtetasve S. A. dhe O. A. (vëllezër), në fshatin Bulçesh, Tiranë, dhe si rezultat është gjetur dhe sekuestruar një sasi lënde e dyshuar narkotike cannabis sativa, me peshë 7.9 kilogramë.
Në drejtimin e Prokurorisë vijojnë hetimet për dokumentimin e plotë të veprimtarisë kriminale të këtyre shtetasve.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
