TIRANE- Sekretari organizativ i Partisë Demokratike, Enno Bozdo dhe Presidenti i Unionit të ish të Burgosurve dhe Përndjekurve Politikë, Besim Ndregjoni bëhen përgjegjës nga policia për sulmin e djeshëm të protestuesve ndaj bunkerit. Përmes një njoftimi zyrtar, policia thotë se Enno Bozdo akuzohet për veprën penale “Organizmim dhe pjesmarrje në grumbullime, manifestime të paligjishme”. Sakaq, Besim Ndregjoni akuzohet për “Thirrje publike për kryerjen e veprimeve te dhunshme”.
Për protestën e djeshme, 5 qytetarë, pjesmarrës në protestë janë vënë në pranga dhe disa të tjerë janë shpallur në kërkim. Ata akuzohen për “Shkatërrim prone”, “Mosbindje ndaj urdhërit të policisë rendit publik”, “Prishje e qetësise publike”.
“Protesta ka devijuar itenerarin e paracaktuar, duke u përshkallëzuar në veprime të dhunshme, me dëmtim të hyrjes, fasadës, thyerjes së disa xhamave të objektit të Kryeministrisë, prishjen dhe shkatërrimin e objektit në ndërtim muzeal “Bunkeri” i cili gjendet pranë godinës së Ministrisë së Punëve të Brendshme, si dhe janë thyer xhamat e dritareve të Ministrisë së Transporteve dhe Infrastrukturës”, thuhet në njoftimin e policisë.
Po ndiqen penalisht në gjendje të lirë
– Enno Bozdo, 43 vjeç, banues në Tiranë, për veprën penale “Organizmim dhe pjesmarrje në grumbullime, manifestime të paligjishme”, (Neni 262 i K.Penal)
– Besim Ndregjoni, 62 vjeç , banues në Tiranë, për veprën penale “Thirrje publike për kryerjen e veprimeve te dhunshme”, (Neni 223 i K.enal)
– I.V, 41 vjeç , banues në Tiranë, për “Mosbindje ndaj urdhërit të punonjësit rendit publik“, (Neni 242 i K.Penal)
U arrestuan në flagrancë për veprat penale “Shkatërrim prone”, “Mosbindje ndaj urdhërit të policisë rendit”, “Prishje e qetësise publike“:
– Aurel Filaji, 23 vjeç banues në Tiranë
– Suzana Dimushi, 37 vjeç , banues në Tiranë
– Xhulian Calai, 23 vjeç, banues në Durrës
– Arben Hajdari, 43 vjeç , banues në Tiranë
– Andi Kuka, 22 vjeç , banues në Tiranë.
Janë shpallur në kërkim për veprat penale “Shkatërrim prone”, “Mosbindje ndaj urdhërit të policisë rendit publik”, “Prishje e qetësise publike”
– F. L, 44 vjeç , banues në Tiranë, i dënuar më parë.
– G. Gj, 27 vjeç , banues në Tiranë.
