Policia e Elbasanit ka nisur hetimin për një 11-vjeçare nga fshati Mollas, pasi dyshohet se ka vjedhur në shtëpinë e gjyshes së saj.
Nën hetim gjithashtu është vënë edhe një 48-vjeçar L.D po nga ky fshat, pasi dyshohet se ai ka nxitur 11-vjeçaren të vjedhë gjyshen e saj.
Mbi shtetasin L.D rëndon vepra penale “Shtytja e të miturit në krim” dhe “Moskallëzim i krimit”, ndërsa për 11-vjeçaren, vepra penale “Vjedhja”.
Nga veprimet hetimore dyshohet se 11-vjeçarja, gjatë një muaji, ka vjedhur rreth 800 000 lekë edhe 550 euro, në këtë banesë.
“Specialistët për Hetimin e Krimeve të Komisariatit të Policisë Cërrik referuan materialet në Prokurori ku nisi procedimi në gjendje të lirë për shtetasin L. D., 48 vjeç, banues në fshatin Mollas, për veprat penale “Shtytja e të miturit në krim” dhe “Moskallëzim i krimit”, si dhe për një shtetase 11 vjeçe, banues në fshatin Mollas, për veprën penale “Vjedhja”, pasi shtetasi L. D. dyshohet se ka nxitur 11-vjeçaren, për të vjedhur në banesën e gjyshes së saj. Nga veprimet hetimore dyshohet se kjo shtetase, gjatë një muaji, ka vjedhur rreth 800 000 lekë edhe 550 euro, në këtë banesë”, njofton policia./Opinion.al
