“Plazhi është i imi”, me këtë fjali ndeshen pushuesit në pjesën më të madhe të zonave bregdetar, pasi pronarë biznesesh kanë zënë në mënyrë abuzive gjithë vijnën bregdetare. Por duket se kësaj mënyre po i vjen fundi.
Policia e Shtetit njoftoi këtë të premte se ka “liruar” rreth 4000 m2 plazh, pronë publike, e zaptuar në mënyrë të kundërligjshme nga disa shtetas.
Aksioni i nisur si pjesë e luftës anti-informalitetit është përqendruar në zonës e Ksamilit. Policia ka proceduar penalisht 3 pronarë subjektesh, të cilët ushtronin aktivitet në kundërshtim me ligjin dhe kishin zaptuar hapësirat publike në interes të tyre.
Kështu sipas njoftimi zyrtar thuhet se janë hequr 960 shezlongë, çadra e tavolina, duke iu kthyer hapësira e plazhit pushuesve.
https://www.facebook.com/1502420603377639/videos/923833637949656/
Të proceduar penalisht:
P. I., banues në Ksamil, pasi në subjektin e këtij shtetasi, janë bllokuar dhe sekuestruar në cilësinë e provave materiale 600 shezlongë, çadra e tavolina, që shfrytëzoheshin pa kasë fiskale dhe pa leje nga Bashkia.
F. P., banues në Ksamil. Në subjektin e këtij shtetasi, janë bllokuar dhe sekuestruar rreth 200 shezlongë, çadra e tavolina, që ishin vendosur në një sipërfaqe pronë publike dhe pa lejen e Bashkisë.
B. M., banues në Ksamil. Në subjektin e këtij shtetasi, është konstatuar se i gjithë aktiviteti tregtar është zhvilluar përgjatë gjithë kësaj kohë pa leje përkatëse nga Bashkia Sarandë dhe Policia hoqi rreth 160 çadra, shezlongë e tavolina nga hapësira publike e zënë në mënyrë të kundërligjshme./ Opinion.al
