Policia ka kryer kontrolle në zyrat e Partisë Socialiste në qytetin e Kavajës.
Burime për News 24 bëjnë me dije se ditën e djeshme rreth orës 11:00 uniformat blu kanë kontrolluar zyrën e PS në Kavajë pasi kishte informacione dhe indicie se aty ushtrohej aktiviteti i paligjshëm i lojërave të fatit.
Kontrollet u zhvilluan pas informacioneve të marra në rrugë operative nga policia. Ka patur dyshime se në zyrën e PS mund të kishte pajisje të lojërave të fatit. Por, nga kontrolli i cili ka zgjatur rreth 30 minuta, mësohet se nuk janë gjetur pajisje të paligjshme.
Gjatë kohës kur policia ka zhvilluar kontrollet në zyrën e PS ka qenë kryetari dhe disa anëtarë të strukturave.
