Zhuver Sheka, 22-vjeç, është personi i plagosur, sonte, në qytetin e Vlorës në një lokal pranë Gjykatës së këtij qyteti, raporton policia.
Mësohet se autori i sulmit është afruar pranë lokalit dhe ka qëlluar me armë, duke lënë të plagosur 22-vjeçarin.
Sipas të njëjtave burime, forcat e policisë kanë mbërritur menjëherë në vendngjarje, por autori i krimit ka arritur të largohet.
Policia, deri në këto çaste, dyshon se është atentat dhe ka nisur hetimet rreth ngjarjes.
22-vjeçari është transportuar për të marrë ndihmën mjekësore të specializuar, ndërsa bëhet me dije, se është jashtë rrezikut për jetën.
