Indentifikohet njëri nga të dyshuarit si autor i grabitjes së mesditës së sotme, në aeroportin e Rinasit në Tiranë.
Burime nga policia kanë bërë me dije se po zbardhet identiteti i njërit prej grabitësve, por ende nuk bëhet i ditur emri i personit që mendohet si i dyshuar kryesor në ngjarje.
Policia po vazhdon një operacion të përgjithshëm kërkimi për gjetjen e autorëve.
Nga të dhënat e para, mendohet se tre persona kanë marrë pjesë në grabitje.
Nga burime të pakonfirmuara besohet se janë vjedhur mbi 3 milion euro nga dy kompani private sigurimi.
Autorët pasi kanë finalizuar aksionin e grabitjes së parave, në Fushë-Prezë, i kanë vënë flakën makinës që përdorën.
