Policia e Tiranës ka dhënë informacion zyrtar lidhur me tentativën e grabitjes së një banese në fshatin Prush.
Sipas njoftimit, policia është vënë në dijeni për tentativën e grabitjes rreth orës 19:13, duku informuar se në banesën e shtetasit G. H., janë futur disa persona të armatosur.
Me marrjen e njoftimit shërbimet e Policisë kanë shkuar menjëherë në vendngjarje, dhe në momentin që janë afruar afër banesës, tre personat e armatosur, kanë qëlluar me armë ndaj tyre. Policia është përgjigjur me armë ndaj tyre.
Shërbimet e DVP Tiranë, RENEA, Forcat Kombëtare të Sigurisë, po vijojnë krehjen e zonës dhe kanë ngritur pika kontrolli në të gjitha akset kryesore dhe hyrje-daljet e Tiranës, për identifikimin dhe kapjen e autorëve të dyshuar.
