Një kontroll rutine i policisë i kushtoi prangat pronarit të një lokali në Durrës. Policia njofton se Behar Fjolla, 28 vjeç, banues në Tiranë, pronar në një nga lokalet ku u ushtrua kontroll u arrestua, pasi iu gjet kokainë në lokal.
“Fjolla, gjatë kontrollit të ushtruar në ambientet e lokalit iu gjet dhe iu sekuestrua në cilësinë e provës materiale disa doza lëndë narkotike e dyshuar e llojit Kokainë” njofton policia. Nga hetimet e policisë ka rezultuar se ky shtetas, është person me precedentë penalë të mëparshëm. “Ai ka qenë proçeduar për veprën penale të përshtatjes së lokaleve për përdorim të lëndëve narkotike” njofton policia.
