Policia gjermane ka sekuestruar më shumë se 120 makina sportive, të cilat mendohen se përdoreshin për gara të paligjshme nëpër Europë. Makinat u sekuestruan pasi disa njerëz denoncuan faktin se kishin parë shumë automjete që ecnin me më shumë se 250 kilometra në orë.
Sipas policisë, makinat u sekuestruan në autostradën A20 përgjatë Wismar në veri të Gjermanisë. Në mes të makinave të sekuestruara ka Porsche, Lamborghini dhe Audi, ndërsa shumica ishin me targa norvegjeze dhe një stampë “Eurorally”.
Sipas kërkimeve në internet, bëhet fjalë për një garë me disa etapa në Europë dhe kuota e regjistrimit është 799 euro. Megjithëse në Gjermani nuk ka limit shpejtësie, është i paligjshëm organizimi i garave./Opinion.al
