Siç ka ndodhur edhe shumë herë të tjera policia gjen dhe asgjëson drogë por nuk gjen personat që e kanë kultivuar apo trafikuar atë. I tillë është rasti i sotën në Lapardha të Vlorës. Në njoftimin zyrtar të policisë së shtetit thuhet se 30 forca policie u angazhuan në operacion. “Janë sekuestruar dhe asgjësuar 339 bimë narkotike dhe sekuestruar 37 kg e 700 gr lëndë narkotike të dyshuara të llojit Cannabis Sattiva si dhe është bllokuar një automjet”, deklaron policia.
Droga u gjet në 9 parcela në fshatin Lapardha, në tokë publike të pyllëzuar pranë vendit të quajtur “Hija e madhe”.
Janë proceduar penalisht kanë punonjës të shtetit për moskallëzim krimi dhe shpërdorim detyre.
1- F.H., 63 vjeç, banues në fshatin Gumenicë, me detyrë: Kryetar i Njësisë Administrative Kotë.
2- A.C., 53 vjeç, banues në fshatin Lapardha, me detyrë: Kryeplak i fshatit Lapardha.
3- M.H., 52 vjeç, banues në fshatin Drashovicë, me detyrë: Inspektor i Pyjeve në Njësinë Administrative Kotë.
4- B.D., 51 vjeç, banues në fshatin Mavrovë, me detyrë: Përgjegjës i Inspektorëve të Pyjeve në Bashkinë Selenicë.
Gjithashtu, në aksin rrugor Kotë-Drashovicë, Policia e Vlorës ka bllokuar një automjet të dyshimtë i cili u braktis nga drejtuesi i tij.
Nga kontrolli i ushtruar në mjetin tip “Fiat Panda” me targë AA 369 MK, është gjetur një sasi me lëndë narkotike e vendosur në 7 paketime të përmasave të ndryshme dhe të mbështjella me natriban transparent, e cila pas peshimit ka rezultuar me peshë totale prej 37 kilogramë e 700 gramë, e dyshuar e llojit Cannabis Sattiva.
Janë shpallur dy persona në kërkim si të dyshuar për trafikimin e drogës:
1- A.I., 26 vjeç, banues në Vlorë.
2- B.A., 30 vjeç, banues në Kaninë.
