Pas aksioneve masive ne terren ku janë hequr një numër i madh patentash dhe janë gjobitur disa shoferë për shkelje të rregullave të qarkullimit rrugor ka ardhur një lajm i mirë nga Policia e Shtetit.
Një nismë motivimi ka nisur në vijim të javës së Sigurisë Rrugore për të gjithë shoferët e automjeteve. Policia Rrugore ka lancuar sot “Llotarine e Radarit”, e cila do të nxjerrë 20 fitues, 20 shoferët model të cilët respektojnë rregullat e qarkullimit rrugor.
“Llotari për drejtuesit mjeteve qe respektojnë rregullat e qarkullimit rrugor. Një nga faktorët kyç te aksidenteve është dhe shpejtësia, ne kemi vendosur te përzgjedhim drejtuesin e mjetit model që respekton rregullat. Janë vendosur radarët që operojnë në rrugët e Shqipërisë, kane modul automatik qe përveç konstatimit të shpejtësisë tej normave të lejuara, do tregoje edhe ata qe qarkullojnë brenda normave te lejuara. Fituesit do përzgjidhen ne një shorte që do jetë live ditën e premte ku do përzgjidhen 20 drejtues që do u dhurohen 20 siguracione automjeti për këto drejtues mjetesh që konsiderohen model. Këto radarë janë vendosur do jenë në rrugët dhe akset kryesore aty ku janë identifikuar si njolla të errëta”. /Opinion.al
