Një 50-vjeçar shqiptar është arrestuar nga policia greke pasi ishte në kërkim prej 14 vitesh nga autoritetet shqiptare.
I arrestuari akuzohet se ka kryer mashtrim në vitet 2008-2009, por kishte arritur të arratisej në Greqi ku fshihej në Nafplion.
Ai është lokalizuar nga policia , e cila konstatoi se ishte shpallur në kërkim ndërkombëtar dhe e prangosi mbrëmjen e së premtes.
50-vjeçari është dërguar në Prokurorinë e Apelit të Nafplionit, ku është vendosur ndalimi i tij deri në përfundimin e procesit të ekstradimit të tij në Shqipëri.
