Policia ka dhënë informacion zyrtar lidhur me ngjarjen e ndodhur mbrëmjen e sotme në zonën e Shkozës në Tiranë, ku një i ri është dhunuar nga disa persona të maskuar.
Fillimisht në media u raportua se ndaj tij është qëlluar me armë zjarri, por një gjë e tillë nuk konfirmohet nga reagimi zyrtar i policisë.
Sipas informacionit zyrtar, personat e pa identifikuar kanë dhunuar me sende të forta 21-vjeçarin Hysen Xhakolli dhe më pas janë larguar.
I riu është transportuar për në spital dhe po merr ndihmë mjekësore. Grupi hetimor po punon për sqarimin e rrethanave të ngjarjes, identifikimin dhe kapjen e autorëve të dyshuar.
