Në media ka dalë xhirimi i komunikimit të policëve në rroba civile, që kanë vërejtur një sjellje të çuditshme të sulmuesit në Aeroportin e Stambollit ku, të martën, në një sulm terrorist u vranë dhjetëra njerëz.
Një sulmues ishte i dyshimtë dhe policët shkuan prapa tyre. Polici i cili i pari ka dyshuar i ka dërguar mesazh kolegëve se e dalloi një burrë që mbante një xhaketë të dimrit, pavarësisht të nxehtit, shkruan Hurriyet, transmeton Telegrafi.
“Po ec me pallto në këtë vapë! Vëlla, duket si një hajn, a ta ndjekim?”, ka pyetur ai, me çka kolegët janë pajtuar, raporton telegrafi.com.
Terroristi pastaj vrapoi poshtë shkallëve, drejt terminalit të arritjeve ndërkombëtare, ku ka aktivizuar bombën që ishte rreth brezit të tij.
Në sulmin e së martës në Aeroportin Ataturk në Stamboll, u vranë 43 presona, ndërsa 200 janë plagosur. Tre sulmues vetëvrasës kanë shtënë me armë e pastaj kanë aktivizuar eksplozivet.
