Merr të tjera përmasa veprimi i djeshëm i Bashkisë së Tiranës, që gjobiti Partinë Demokratike me 16 milionë lekë për dëmet e shkaktuara nga protesta e djeshme në kryeqytet.
Burime të Lapsi.al nga Prokuroria thonë se Besmir Karaj, inspektori që kishte emrin në gjobën e Bashkisë ka bërë kallëzim penal në Prokurori ndaj Policisë Bashkiake.
Kjo sepse ai ka dëshmuar, që nuk ka plotësuar asnjë gjobë me dorën e tij dhe se gjithcka është bërë pa dijeninë e tij.
Mësohet se Karaj ka deklaruar që gjoba është plotësuar nga kryeinspektori. Për këtë ai ka bërë kallëzim edhe për falsifikim të firmës së tij.
Gjoba e djeshme e Bashkisë së Tiranës ka ngjallur reagime të shumta edhe në rrjetet sociale.
Me ironi dhe humor sidomos është trajtuar cështja e urinimit, që sipas gjobës së Bashkisë kane qenë plot 87 urinime në vendet publike.
Lidhur me këtë gjobë ka reaguar sot edhe kreu i PD-së, Lulzim Basha. Përgjigjja e tij për kryebashkiakun Veliaj ka qenë: “Do t’i çoj një kastravec 163 milimetra të gjatë!”/LAPSI.AL/
