Një aksident ka ndodhur mëngjesin e sotëm në Vlorë, ku një punonjës policie, jashtë shërbimit është përplasur me automjetin e një shtetase.
Si pasojë e aksidentit është dërguar në spital shtetasja A.A., e cila ndodhet jashtë rrezikut për jetën.
Mësohet se punonjësi i policisë ka qenë në efektin e alkoolit, në momentin që ka shkaktuar aksidentin.
“Në orët e para të mëngjesit, në bulevardin “Ismail Qemali”, në afërsi të poliklinikës, automjeti tip “Benz” me drejtues shtetasin A. C. (punonjës policie, jashtë shërbimit) është përplasur me automjetin tip “Audi” me drejtuese shtetasen A. A., e cila u dërgua në spital dhe është jashtë rrezikut për jetën.
Nga veprimet e para në vendngjarje, ka rezultuar se shtetasi A. C. ka qenë në efektin e alkoolit”, njofton policia.
Grupi hetimor dhe opgj të AMP-së, në drejtimin e Prokurorisë, vijojnë punën për sqarimin e rrethanave të aksidentit.
