SHKB e Ministrisë së Brendshme arrestoi në flagrancë inspektorin e policisë, Enri Veseli, me detyrë trup shërbimi, Patrullë e Përgjithshme në Komisariatin e Policisë nr. 6, Tiranë.
Burime nga MPB-ja bëjnë të ditur se arrestimi i Veselit u krye pasi drejtonte mjetin me targë AA 552 EL në gjendje të dehur. Ai u ndalua nga patrullat e policisë “Shqiponja” në afërsi të sheshit “Karl Topia”, Tiranë.
Nga veprimet hetimore rezultoi se në momentin e konstatimit, punonjësi i policisë kishte braktisur detyrën ku ishte planizuar me shërbim.
Materialet hetimore do t’i kalohen Prokurorisë pranë Gjykatës së Shkallës së Parë Tiranë për veprat penale të “Drejtimi i automjetit në mënyrë të parregullt” dhe “Shpërdorimi i detyrës” .
