Një adoleshent shqiptar është masakruar nga dy policë grekë, sikurse bën të ditur gazetari shqiptar që jeton në Greqi, Shpëtim Zinxhiria. Përmes një njoftimi në FB, ai shkruan se djali 15-vjecar është dërguar në spital, ku fatmirësisht ka arritur të shpëtojë nga vdekja.
Postimi i gazetarit:
“Dje një 15 -vjeçar nga qyteti i Elbasanit është goditur nga dy polici grek. Njëri prej tyre ka hequr skafandrën dhe e ka goditur fëmijën në organet gjenitale në sy të disa qytetarëve. Fëmija është dërguar në spital ku ka marrë mjekimet përkatëse. Goditja ka lënë gjurmë dhe mjekët kanë raportuar për këtë ngjarje.
Ngjarja ka ndodhur në Kato Patisja me autorë nga dy punonjës policie që i përkasin Komisariatit të Policisë, Agio Pantelimona. E publikoj këtë pasi përfaqësuesi i policisë shqiptare pranë Ambasadës Bujar Mema nuk do të komunikojë për të tilla raste. Është një turp që vetëm me shtetin shqiptar ndodhin këto.
Nëse Shtetit shqiptar i bie në vesh kjo gjë le të bëjë “detyrën e shtëpisë” të bej atë që i takon. Boll me përralla të “Një mijë netëve””, shkruan Zinxhiria në profilin e tij në Facebook.
