Forcat e Ndërhyrjes së Shpejtë, Shërbimi i Çështjeve të Brendshme dhe Ankesave në Ministrinë e Brendshme dhe Policia e Korçës zhvilluan mëngjesin e sotëm rreth orës 01:00 një operacion sekret për parcelat me kanabis sativa në zonën e Ersekës.
Ky operacion u mbajt sekret dhe nuk u njoftua Komisariati i Ersekës, për faktin se ka dyshime që efektivë të këtij komisariati mund të jenë të lidhur dhe bashkëpunojnë me trafikantët kundrejt shumave të mëdha të parave, raporton News24.
Kanë qenë rreth 40 efektivë të FNSH-së që u nisën në aksion gjatë natës, por nuk ka informacione sekrete nëse ka persona të arrestuar. Operacioni u zhvillua në zona me terren malor dhe u asgjësuan rreth 18 mijë bimë narkotike.
