Ministri i Brendshëm, Taulant Balla ka reaguar për aksionin anti-kanabis në Krujë ku u asgjësuan 1200 bimë narkotike.
Balla thekson në një postim në rrjetet sociale se lufta kundër kultivimit të kanabisit duhet të intesifikohet.
“Përderisa përsëri e përsëri, tek tuk, kanabisi rinxjerr kokën sapo policia e kthen kokën nga ana tjetër, lufta kundër kultivimit të kanabisit duhet vazhdojë edhe më fort”, pohon ministri.
Duke u ndalur tek të dhënat e ditës, raportuar nga policia, Balla nënvizon se goditja ndaj kultivimit të bimëve narkotike duhet të jetë sistematike.
“Prandaj goditja duhet sistematike, çdo ditë. Përgëzime Drejtorisë së Policisë Tiranë për operacionin në Malësinë e Krujës, ku u zbuluan dhe u asgjësuan sot mbi 1200 bimë kanabis, bashkë me të zotin e tyre para drejtësisë”, shprehet Balla.
