Tre burra kanë sulmuar me spraj të rrezikshëm dhe kanë goditur me grushte një grua në Pogradec. Policia ka arrestuar një 23-vjeçar dhe ka shpallur në kërkim dy burra të tjerë.
Bëhet me dije se konflikti ka ndodhur për motive të dobëta. Gruaja e sulmuar, fatmirësisht ndodhet jashtë rrezikut për jetën.
“Specialistët për Hetimin e Krimeve të Komisariatit të Policisë Pogradec arrestuan në flagrancë shtetasin G. D., 23 vjeç, banues në fshatin Buçimas, Pogradec dhe shpallën në kërkim shtetasit N. Ç., 39 vjeç dhe E. Ç., 40 vjeç, banues në Pogradec, pasi në lagjen nr. 2, Pogradec, këta shtetas, në bashkëpunim me njëri-tjetrin, gjatë një konflikti për motive të dobëta, dyshohet se kanë goditur me grushte dhe i kanë hedhur në fytyrë, lëndë të dëmshme (sprajt), një shtetaseje, e cila ndodhet jashtë rrezikut për jetën.
Materialet i kaluan Prokurorisë pranë Gjykatës së Shkallës së Parë Pogradec, për veprime të mëtejshme,” thuhet në njoftimin e policisë./Opinion.al
