Punonjësit e Task Forcës janë kërcënuar ditën e sotme nga një person i armatosur në fshatin Buzaishtë të Pogradecit.
Sipas informacioneve nga policia, punonjësit kanë shkuar në këtë fshat për verifikimin e personave me ndihmë ekonomike.
Aty ata janë përballur me një situatë aspak të zakontë, kur një shtetas i identifikuar si Spartak Çela ju ka dalë përpara dhe i ka kërcënuar.
Sipas dëshmisë së punonjësve, ky shtetas ka qënë i armatosur.
Çela si fillim ka debatuar me shoferin e Task Forcës.
Menjëherë pas konfliktit, Çela iu ka kërkuar falje, duke u shprehur se i ka keqkuptuar dhe i mendonte persona të tjerë(polici) dhe është larguar në drejtim të paditur.
Burime nga policia bëjnë të ditur se Çela është një person i shpallur në kërkim për vrasje mbetur në tentativë prej dy vitesh.
Ai ka plagosur shokun e tij në një lokal dy vite më parë dhe që prej atij momenti është shpallur në kërkim.
Policia ndërkohë është vënë në ndjekje të tij pasi ai është arratisur për herë të dytë.
