Një aksident ka ndodhur ditën e sotme në aksin Kalivaç-Pogradec.
Mësohet se një furgon pasagjerësh me drejtues shtetasin A. H., është përplasur me një kamion me drejtues shtetasin E. H.
Si pasojë kanë mbetur të plagosur dy pasagjerë të furgonit.
“Në aksin rrugor “Kalivaç-Pogradec”, mëngjesin e sotëm, automjeti tip “Benz”, furgon pasagjerësh me drejtues shtetasin A. H., është përplasur me një kamion me drejtues shtetasin E. H.
Si pasojë e përplasjes janë dëmtuar lehtë, shtetasit S. S, dhe H. S., pasagjerë në furgon, të cilët ndodhen për mjekim në spital, jashtë rezikut për jetën”, njofton policia.
Grupi hetimor po punon për sqarimin e rethanava dhe shkakut të aksidentit.
