Një 26-vjeçar është gjetur i pajetë brenda banesës së tij në Pogradec.
Sipas policisë dyshohet se i riu është vetëvrarur dhe se nga këqyrja paraprake e trupit të këtij shtetasi, nuk janë konstatuar shenja dhune.
Nga deklaratat e familjarëve dyshohet se 26-vjeçari vuante nga probleme të shëndetit mendor.
“Më datë 16.03.2024, rreth orës 14:30, në lagjen nr. 5, Pogradec, në katin e parë të banesës së tij, është gjetur nga familjarët, dyshohet i vetëvarur shtetasi B. D., 26 vjeç.
Nga këqyrja paraprake e trupit të këtij shtetasi, nuk janë konstatuar shenja dhune dhe sipas deklarimit të familjarëve, 26-vjeçari vuante nga probleme të shëndetit mendor”, njofton policia.
Grupi hetimor po punon për zbardhjen e plotë të rrethanave të ngjarjes.
