Një aksident automobilistik ka ndodhur mbrëmjen e sotme në aksin rrugor Shkodër-Lezhë.
Uniformat blu bëjnë me dije se automjeti që drejtohej nga 28-vjeçari M. M. është përplasur me një motomjet që drejtohej nga një 51-vjeçar.
Si pasojë 51-vjeçari ka mbetur i dëmtuar lehtë dhe është transportuar në spitalin rajonal të Shkodrës, ku ndodhet jashtë rrezikut për jetën.
“Shkodër/Informacion paraprak
Rreth orës 19:20, në aksin rrugor Shkodër-Lezhë, automjeti me drejtues shtetasin M. M., 28 vjeç, është përplasur me motomjetin me drejtues shtetasin M. Q., rreth 51 vjeç.
Si pasojë është dëmtuar lehtë 51-vjeçari, i cili është në spitalin rajonal të Shkodrës, jashtë rrezikut për jetën”, njofton policia.
Grupi hetimor ndodhet në vendngjarje dhe po punon për sqarimin e rrethanave të aksidentit./Opinion.al
